详情

陈倩扬、梁嘉琪今朝到大角咀社区中心出席义工活动，向在场长者派送月饼。其中梁嘉琪表示今日系连同五百位义工，一齐喺全港各地进行同样活动，除咗长者外仲有低收入家庭人士受惠。

问到陈倩扬点解唔今日唔带埋囝囝一齐嚟做义工？佢话囝囝今日唔得闲，不过嚟紧会应同一机构邀请去台南做义工：「12月会同一班残疾人士家庭一齐去旅行，因为渠哋好多都来自基层，有时因为医疗费已经花费好多，今次可能系第一次坐飞机，对渠哋嚟讲今次都系一个好好慨回忆，所以就会带埋只大仔去。」倩扬话因为细仔年纪仲细，等渠大个啲先再考虑带渠去。

讲到啱啱出世慨囡囡，倩扬话囡囡啱啱两个月大，自己亦开始缓慢地修身，佢话：「呢排开始扎肚，开始慢慢瘦咗两个圈，所以今日先至肯出嚟。」问到凑囡情况，佢话：「两个囝囝好锡渠，成日争住要照顾，一放学返嚟就净系会问妹妹喺边度？老公放工返嚟都系一样。」