Detail

陳倩揚、梁嘉琪今朝到大角咀社區中心出席義工活動，向在場長者派送月餅。其中梁嘉琪表示今日係連同五百位義工，一齊喺全港各地進行同樣活動，除咗長者外仲有低收入家庭人士受惠。

問到陳倩揚點解唔今日唔帶埋囝囝一齊嚟做義工？佢話囝囝今日唔得閒，不過嚟緊會應同一機構邀請去台南做義工：「12月會同一班殘疾人士家庭一齊去旅行，因為佢哋好多都來自基層，有時因為醫療費已經花費好多，今次可能係第一次坐飛機，對佢哋嚟講今次都係一個好好嘅回憶，所以就會帶埋隻大仔去。」倩揚話因為細仔年紀仲細，等佢大個啲先再考慮帶佢去。