詳情

黃美棋同男友鍾健威今日以「夢想大使」身份去到尖沙嘴，出席「夢飛行2016」慈善飛行之旅記者會，佢哋將會喺12月3日展開3日2夜台灣旅程，陪同殘疾及低收入嘅家庭兒童乘坐飛機旅行，一圓佢哋嘅飛行夢想。

美棋BB同男友都好鍾意同小朋友相處，美棋仲話男友o氹小朋友有一手，又會表演魔術同唱歌，鍾健威就話照顧美棋就好似照顧小朋友咁，佢話：「食飯10次有8次會跌筷子，又成日哽親。」美棋話自己都鍾意小朋友，佢話：「生2、3個小朋友都ok，最好一仔一女。」