詳情

藝人陳倩揚和梁嘉琪出席義工活動，表示下月將與傷健人士到台南展開三日兩夜之旅，讓他們初嘗搭飛機的體驗，梁嘉琪說：「有啲家庭經濟狀況緊張，簽證對我哋嚟講係幾十蚊嘅嘢，但對佢哋係好額外嘅經濟負擔，加埋機票、住宿，對基層家庭仲係好遙遠嘅夢想，可以同佢哋實現夢想，係好幸福嘅事。」

帶大仔一齊做義工

陳倩揚大讚活動有意義，她表示將會帶大仔同行：「我同佢講『哥哥我哋唔係去旅行，係去做義工幫手。』有啲係小朋友，差唔多年齡，可以溝通吓，等大仔可以學習原來社會有唔同情況嘅人。除咗幫手，對佢係一個好好嘅體驗。」而到過台南多次的梁嘉琪，表示屆時會化身導遊帶大家四圍去：「嗰度好多適合佢哋嘅地方，因為街道寬闊、樓層好矮，仲有好多打卡嘅景點！」