詳情

藝人敖嘉年出席「IN義工團-夢飛行·送福迎中秋」慈善活動，雖然天氣麻麻，但嘉年依然跟義工們一起上門探訪，為屯門社區的老人家送上福袋和關心。敖嘉年直言近期身邊有很多朋友尤其年青人，都有抑鬱病徵，令他想透過體力勞動的義工工作，令他們重拾力量，既可以幫人，又可以加強精神健康，一舉兩得！
談到未來工作，嘉年指十月要開劇，十二月則要演出舞台劇，因接舞台劇在先，所以劇集監製找他時都擔心自己接不到，幸監製願意就期，而嘉年亦非常喜歡新劇的故仔。提到佢工作如此忙碌，哪有時間造人？與太太結婚七年的他直言：「我一直都無諗過呢樣嘢，自己都未養得掂，養一個小朋友真係要好多錢，我身邊仲有一啲朋友一個月淨係交學費都萬幾蚊，加上屋企老人家又無催，所以唔會諗住。」